Icardi mund të transferohet te gjiganti anglez

Futboll

Icardi mund të transferohet te gjiganti anglez

Më: 4 prill 2021 Në ora: 12:44
Icardi mund të transferohet te gjiganti anglez

Mauro Icardi raportohet të jetë në radarin e Manchester Unitedit.

“Djajtë e Kuq” kanë identifikuar sulmuesin argjentinas si zëvendësues të Edinson Cavanit, të cilit i skadon kontrata në fundin e këtij sezoni dhe pritet të largohet nga “Old Trafford”.

Në listën e dëshirave të Ole Gunnar Solskjaerit janë edhe Erling Haaland e Harry Kane.

Por, “Gazzetta Dello Sport” shkruan se klubi anglez mund ta transferojë më lirë Icardin, pasi që Haaland e Kane nuk besohet se mund të blihen nga ndonjë klub nën shumën e 100 milionë eurove.

Sipas gazetës italiane, PSG mund të lejojë 28-vjeçarin që të largohet gjatë verës për 40 milionë euro, në rast se kampioni francez e transferon përfundimisht Moise Keanin, i cili momentalisht është vetëm i huazuar nga Evertoni.

Ndryshe, Mauro Icardi ka kontratë të vlefshme me Paris Saint-Germainin deri më 30 qershor të vitit 2024.

commentFirst article
Sot mund të lexoni Shfletoni kopertinat