Neymar: Mund të kesh zotërimin e topit, por...

Futboll

Neymar: Mund të kesh zotërimin e topit, por...

Më: 14 prill 2021 Në ora: 11:35
Neymar: Mund të kesh zotërimin e topit, por...

PSG ia doli të merrte një biletë për në gjysmëfinalet e Ligës së Kampionëve në mbrëmjen e djeshme edhe pse u mposhtën minimalisht 0-1 në shtëpi nga Bajern Mynih. Diferencën e bëri suksesi i arritur një javë më parë në Gjermani, teksa festa pas kualifikimit ishte legjitime për francezët.

Ndërkohë, u regjistrua edhe një episode interesant duke qenë se për rastës, Paredes dhe Neymar festuan para syve të Joshua Kimmich.

Ky i fundit para sfidës ishte i bindur se do të kualifikoheshin, e këtë nuk ia ka harruar Nejmar i cili pas ndeshjes ka “thumbuar” gjermanin.

“Është argëtuese sepse unë nuk festova kundër Kimish, por festova me Paredes.

Kimicch thjesht u gjend aty afër, me shumë mundësi ishte çështje fati. Kishte thënë që ekipi i tij ishte më i mirë dhe që do të fitonin. Ishte i sigurt se do të shkonin në gjysmëfinale. Por, mund të kesh zotërimin e topit, mund edhe të flirtosh me një femër gjatë gjithë natës, por më pas vjen dikush tjetër dhe ta merr”, shprehet braziliani.

comment Për komente lëvizni më poshtë
Sot mund të lexoni Shfletoni kopertinat