Genoa po punon për të ndërtuar një skuadër konkurruese

Futboll

Genoa po punon për të ndërtuar një skuadër konkurruese

Më: 27 prill 2021 Në ora: 22:41
Genoa po punon për të ndërtuar një skuadër konkurruese

Krahas përpjekjeve për të siguruar mbijetesën edhe matematikisht, Genoa po punon edhe për të ndërtuar një skuadër konkurruese sezonin e ardhshëm, duke piketuar lëvizjet që pritet të bëjë gjatë merkatos së verës.

Kështu drejtuesit do të duhet të zëvendësojnë maqedonasin Goran Pandev, i cili ka njoftuar tërheqjen pas Kampionatit Europian dhe emri në krye të listës është ai i fantazistit të Crotones, Junior Messias.

Ky i fundit ka bërë një sezon mjaft të mirë, por pritet të largohet nga skuadra kalabreze në fund të sezonit, pasi nuk dëshiron të rikthehet në Serinë B dhe Genoa është ekipi më i interesuar për shërbimet e Messias.

Një tjetër emër në listën e drejtuesve të klubit kuqeblu është edhe ai i sllovakut Juraj Kucka, që ka qenë pjesë e ligurëve edhe në periudhën 2011-2015, por me Parmën që ka marrë rrugën drejt Serisë B, është gati të rikthehet e të vijojë karrierën në “Marassi”.

comment Për komente lëvizni më poshtë
Sot mund të lexoni Shfletoni kopertinat