Dita e fundit e festimeve në shtëpinë Inter. Pas festimit të improvizuar të 2 majit dhe “përqafimit” në distancë mes tifozëve dhe kampionëve të rinj të Italisë me rastin e ndeshjes në shtëpi ndaj Sampdorias, më në fund ka ardhur koha të ngrihet në qiell kupa e 19-të e Serisë A.
1000 tifozë zikaltër do të jenë në gjendje të marrin pjesë në ceremoninë e ngritjes së titullit kampion brenda shkallëve të stadiumit mitik “Giuseppe Meazza”, ndërsa 4500 tifozë të tjerë do të kenë mundësinë të takohen jashtë stadiumit ku do t’u tregohet trofeu nga “Kulla 4” e impiantit, nga kapiteni Handanoviç dhe lojtarët e tjerë.
Dita e festimeve u organizua deri në detaje nga tifozët ultras të Interit “Curva Nord”, të cilët e kishin përgatitur atë për gati një muaj dhe tani një aeroplan i gjatë 15 metra, me logon e tyre, do të drejtojë tifozët drejt “Giuseppe Meazza”-s, dhe do të stacionohet sipër tek “unaza e tretë”, me lartësi rreth 60 metra.
Në mëngjes nisi shpërndarja e materialit festues, më pas duke filluar nga ora 12.30, banderola do të rregullohet për të formuar një korridor për mbërritjen e autobusit të ekipit, i planifikuar rreth orës 13:00, e mundur për të shoqëruar lojtarët e Kontes drejt stadiumit.
Gjatë ndeshjes ndaj Udinezes, tifozët do të vendosen në zonën e parkimit të stadiumit që është rreth 19,000 metra katrorë që u është rezervuar.
Në orën 17:00 kur ekipi do të ngjitet në majë të kullës dhe do të shikojë nga mbështetësit e tyre duke u treguar atyre trofeun që mungon për 11 vjet.