Shkupi përforcohet me lojtarin e Velezhit kundër Llapit

Futboll

Shkupi përforcohet me lojtarin e Velezhit kundër Llapit

Më: 18 qershor 2021 Në ora: 13:40
Shkupi për forcohet me lojtarin e Velezhit kundër Llapit

Mbrojtësi Konstantin Çeshmexhiev zyrtarisht është pjesë e FC Shkupi. Bardhekaltërit sigurojnë firmën e ish-kapitenit të përfaqësueses U21 të Maqedonisë me të cilin pritet të rritet konkurrenca në repartin e mbrojtjes.

"Futbollisti 25 vjeçar vjen nga radhët e skuadrës boshnjake Velezhi të Mostarit ku sezonin e kaluar regjistroi 16 paraqitje. Bëhet fjalë për futbollist të dalë nga akademia e Rabotniçkit, ndërsa ka luajtur edhe për Pelisterin, Makedonija Gj.P. dhe Shkëndijën në kampionatin vendor.

Se cilat ishin arsyet për tu bërë pjesë e skuadrës nga Çairi, futbollisti ka thënë se ambiciet e klubit e kanë bindur atë që të vë firmën për skuadrën tonë", njofton FC Shkupi.

Shkupi po përforcohet edhe për garat evropiane, e cila do të ndeshet me Llapin nga Podujeva, në kuadër të Conference League.

“Njerëzit në klub më kanë kontaktuar derisa isha futbollist i Velezhit, kjo ishte diku para një muaji. Mi treguan planet dhe idetë e klubit, edhe e dija se bëhet fjalë për një projekt serioz.

Faktor vendimtar që të vijë këtu ishte dalja në arenën evropiane, si dhe fakti që trajner është Goce Sedlloski që do të jetë nder për mua të mësoj nga një trajner siç ai dhe stadiumi i ri dhe investimet në infrastrukturë. Të them të drejtën nuk jam hamendur shumë pasi më pëlqyen planet dhe ja ku jam te Shkupi.

Çeshmexhiev tani më është bashkuar me skuadrën në Ohër dhe do të jetë gati që të fillojë stërvitjet me ekipin, që sa më shpejt të adaptohet për ndeshjen e parë kualifikuese të Ligës së Konferencës së UEFA-s. Çeshmexhiev dhe Shkupi kanë nënshkruar kontratë njëvjeçare.

Shfaq komentet
comments powered by Disqus
Sot mund të lexoni Shfletoni kopertinat