Longo: Duhet të kishim shënuar më shumë

Futboll

Longo: Duhet të kishim shënuar më shumë

Më: 19 shtator 2021 Në ora: 19:42
Longo: Duhet të kishim shënuar më shumë

I kënaqur pjesërisht trajneri i Kukësit Diego Longo pas fitores 3-1 që arriti skuadra e tij ndaj Kastriotit në Elbasan Arena. Në intervistën për Supersport trajneri i verilindorëve theksoi se Kukësi duhet t’i kishte shfrytëzuar më mirë rastet që iu paraqitën dhe duhet të kishte fituar më thellë.

”Sigurisht e prisja që skuadra të fitonte, po pres dhe fitoren në javën e tretë. Ne hyjmë në fushë vetëm për fitore. Nuk është e lehtë sepse të gjitha ekipet këtu janë të forta, por ne do të bëjmë maksimumin për të fituar”.

“3 lojtarët që kanë spikatur? Nuk mund të them që jam i lumtur vetëm me sulmuesit, por jam i lumtur me të gjithë ekipin, sepse nuk është vetëm sulmuesi që luan, por i gjithë ekipi duhet ta ndihmojë”.

“Rezultati? Të them të drejtën nuk jam shumë i kënaqur sepse kishim 15 raste të pastra për të shënuar dhe realizuam vetëm 3, duhet të jemi më pragmatistë sepse me skuadrat e mëdha bëhet më e vështirë”.

“Mendoj se Taipi është lojtar shumë i mirë, fantastik, e kam njohur dhe më përpara”, u shpreh Longo.

Shfaq komentet
comments powered by Disqus
Sot mund të lexoni Shfletoni kopertinat