Premtimi i Florentino Perez

Futboll

Premtimi i Florentino Perez

Më: 6 tetor 2021 Në ora: 15:08
Premtimi i Florentino Perez

Presidenti i Realit të Madridit, Florentino Perez, ka lëshuar një tjetër “bombë” për sa i përket merkatos së ardhshme dhe mbi të gjitha të ardhmes së Kilië Mbapesë.

Numri një i Madridit është i bindur se sulmuesi francez i Paris SG-së do të veshë fanellën e Realit duke nisur nga sezoni i ardhshëm. Këtë e ka deklaruar vetë Perez gjatë një interviste për “El Debate”.

“Në janar do të kemi lajme për Mbapenë. Shpresojmë që duke nisur nga 1 janari gjithçka të zgjidhet”, ka thënë Perez duke pasur për referencë pikërisht sulmuesin francez të PSG-së. Gjithashtu, presidenti i Realit ka konfirmuar se klubi i tij ka bërë gjithçka në verë për të afruar sulmuesin, fakt ky i pranuar edhe nga vetë Mbape në intervistën e tij të dhënë për “RMC”.

Por pasditen e së martës, Perez ka reaguar sërish duke nënvizuar se nuk dëshiron të hapë luftë me Parisin, nisur dhe nga reagimet e forta nga kryeqyteti francez. “Mund të them se fjalët e mia janë keqinterpretuar. Ne nuk duam të ofendojmë dhe më pak akoma të konfrontohemi me një klub mik si PSG-ja. Ne ruajmë raporte të shkëlqyera”, ka thënë Perez.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat