Llapi nga Podujeva dalëngadalë po i afrohet kreut të tabelës në elitën e futbollit të Kosovës.
Llapjanët fituan derbin me rezultat 4:1 ndaj Ballkanit nga Theranda, në ndeshjen që u zhvillua në stadiumin Merdarë.
Të pestë golat bien në pjesën e dytë.
Llapi përmbysi epërsinë e Ballkanit e pastaj e thelloi fitoren.
Kryetrajneri Tahir Batatina është sikur në qiellin e shtatë, për faktin se i shkaktoi humbje bindëse homologu të tij, Bekim Isufit.
Në minutën e 60-të, Nazmi Gripshi realizon gol të bukur nga gjuajtja e lirë, 0:1 për Ballkanin.
Llapi këndellet në 19 minutat e fundit, realizon 4 herë duke e shkelur me lojë ekipin therandas.
Drilon Fazliu në minutën e 71-të barazon rezultatin (1:1), ndërsa Alef Firmino (74’) kalon në epërsi Llapin.
Në minutën e 78-të, Edon Sadriu shënon për 3:1.
Në minutën e 87-të, Kushtrim Shabani shënon gol të bukur për 4:1.
Gjilani kryeson me 25 pikë pas 14 jave në elitën e futbollit të Kosovës, pasojnë Drita 25, Ballkani 24, Llapi 21 pikë etj.
BKT Superliga
Llapi - Ballkani 4:1
Prishtina - Dukagjini 0:0
Drita - Drenica 1:0
Ulpiana - Gjilani 1:2
Feronikeli - Malisheva 0:1
Tabela
1. Gjilani 14 6 7 1 18:12 25
2. Drita 14 7 4 3 14:9 25
3. Ballkani 13 6 6 2 18:13 24
4. Llapi 14 6 3 5 20:16 21
5. Drenica 14 6 2 6 17:14 20
6. Prishtina 14 4 6 4 15:13 18
7. Ulpiana 14 4 4 6 15:23 16
8. Malisheva 14 4 3 7 12:13 15
9. Dukagjini 14 3 6 5 10:12 15
10. Feronikeli 14 3 1 10 5:19 10
Në javën e 15-të, do të takohen: Dukagjini - Ulpiana, Prishtina - Feronikeli, Drenica - Llapi, Ballkani - Malisheva e Gjilani - Drita.
