PSV-ja me 14 mungesa nuk ndjek dot hapin e Ajaxit

Futboll

PSV-ja me 14 mungesa nuk ndjek dot hapin e Ajaxit

Më: 28 nëntor 2021 Në ora: 21:02
PSV-ja me 14 mungesa nuk ndjek dot hapin e Ajaxit

PSV Eindhoven nuk ndjek dot hapin e Ajax duke u ndalur në transfertën ndaj Heerenveen në një barazim 1-1.

Edhe pse kishte një numër rekord mungesash, plot 14 dhe 5-6 prej tyre janë titullarë skuadra Roger Schmitd zhbllokoi shifrat pas 13 minutash me sulmuesin brazilian Carlos Vinicius.

Mundësitë për të shënuar golin e dytë PSV-ja i kishte por gaboi shumë para portës sidomos me portugezin Bruma dhe në minutën e 73-të Heerenveen e ndëshkoi me lojtarin suedez të ardhur nga stoli Al Haaj.

Në fund vetëm një pikë për PSV-në që tashmë e sheh veten në vendin e dytë në kuotën 31 pikëve, 2 më pak se Ajaxi kryesyes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat