Ecuri fantastike për Gjimshitin

Futboll

Ecuri fantastike për Gjimshitin

Më: 30 nëntor 2021 Në ora: 21:23
Atalanta fiton bindshëm

Atalanta ka mundur 4-0 Venezi-an në javën e 15-të të Serisë A dhe ka kapur përkohësisht Inter-in në vendin e tretë të renditjes.

Protagonisti i ndeshjes së luajtur në Bergamo ka qenë kroati Pasalic, autor i tre golave. Koopmeiners ka shënuar golin tjetër të zikaltërve.

Ecuri fantastike për Gjimshitin me shokë që kanë marrë fitoren e katërt radhazi në kampionat dhe kanë shkuar vetëm katër pikë larg kreut.

Fiton edhe Fiorentina, që ka mundur 3-1 me përmbysje Sampdoria-n.

Përsëri protagonist Vlahovic, autor i golit të dytë, që tani kryeson renditjen e golashënuesve të Serisë A me 12 realizime.

Sulmuesi vjollcë është vetëm një nga 4 lojtarët jo italianë që kanë shënuar të paktën 29 gola në një vit kalendarik të Serisë A në 69 vitet e fundit, bashkë me C. Ronaldo (33 në 2020), Higuain (30 në 2016) dhe Crespo (30 në 2001).

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat