Kur rivaliteti i derbit kalon në plan të dytë

Futboll

Kur rivaliteti i derbit kalon në plan të dytë

Më: 4 dhjetor 2021 Në ora: 12:06
Kur rivaliteti i derbit kalon në plan të dytë

Ky sezon u mbyll para kohe për Simon Kjaer. Dëmtimi që pësoi mbrojtësi danez në ndeshjen ndaj Genoas e detyroi t’i nënshtrohej një operacioni që do ta mbajë jashtë fushave të futbollit për 6 muajt e ardhshëm.

Kur bëhet fjalë për të tilla situata fatkeqe edhe rivaliteti i madh që kanë dy klubet e Milanos, Interi dhe Milani anashkalohet, pasi ka qenë klubi zikaltër që me një postim i ka uruar shërim të shpejtë Simon Kjaer.

Ishte pikërisht mbrojtësi i Milanit në rolin e kapitenit të Danimarkës ai që bëri një punë fantastike duke treguar të gjithë anën e tij njerëzore në shpëtimin e jetës së mesfushorit të Interit Christian Eriksen në ndeshjen Danimarkë-Finlandë të Euro 2020, kur mesfushori pësoi arrest kardiak në fushë.

“Një kampion nuk njihet vetëm nga mënyra se si luan futboll. Kthehu Simon së shpejti , ne po të presim në fushë në San Siro për t’ju dhënë duartrokitjet që meritoni”, lexohet në postimin e Interit në Twitter.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat