West Ham ndodhet në vendin e katërt të Premier League pas 15 javësh të zhvilluara, duke numëruar 8 fitore, 3 barazime dhe 4 humbje.
Për londinezët e “vegjël” pozicioni është më shumë se komod dhe mbi objektivat e vendosura në fillim të sezonit, nisur nga konkurrenca e ashpër e kampionatit anglez.
Por, kurioz është fakti që të gjitha skuadra e mëdha, që në letër e nisën kampionatin si pretendente titulli dhe një pjesë e tyre janë ende të tilla e kanë provuar shijen e humbjes përballë “The Hammers”.
Leicester , Tottenham, Chelsea dhe Liverpool janë mposhtur në takimet e vlefshme për kampionat, ndërsa Manchester United e Manchester City janë mundur në ndeshjen e vlefshme për “Carabao Cup”.
“The Hammers” kanë fituar brenda ndaj Leicester, Tottenham, Liverpool, City-t dhe Chelsea-t, ndërsa Manchester United e kanë mposhtur në transfertë.