Llapi e bën çmendurinë, në sekondën e fundit gjunjëzon Prishtinën në stadiumin “Sami Kelmendi” në Lipjan.
Kryetrajneri Tahir Batatina gati fluturoi nga gëzimi, për fitoren e madhe.
Llapi nga Podujeva, fituesi i Kupës së Kosovës, si vendas ka shënuar fitore me rezultat 3:2 kundër Prishtinën, në derbin e javës së 18-të të elitës së futbollit të Kosovës.
Ndeshja me kthesa në rezultat, pasi që llapjanët avancuan me 2:0 por kampioni në fuqi nuk u dorëzuan, barazuan rezultatin por humbën në fund.
Ndeshja u zhvilluan në praninë e 300 shikuesve.
Moti i vranët e herë – herë me shi.
Në minutën e 24-të, futbollisti Benet Ismaili shënon autogol për 1:0.
Në minutën e 27-të, Rivera nga 7-8 metra shton epërsinë në 2:0.
Kushtrim Shabani në minutën e 40-të nga rreth 22-23 metra shënon për 3:0, por anulohet për pozitë jashtë loje.
Në minutën e 43-të, Arlind Shabani ngushton rezultatin në 2:1.
Prishtina barazon rezultatin (2:2) në minutën e 61-të, Sabien Lilaj u tregua i saktë nga penalltia.
Në minutën e 90+5, Kushtrim Shabani shënon për fitoren e madhe të Llapit.
Llapi përfundon stinorin vjeshtor në vend të katërt me 29 pikë e Prishtina është e pesta me 24 sosh.