Real Sociedad pësoi humbjen e katërt radhazi në kampionatin spanjoll.
Mbrëmjen e djeshme përballë Villareal edhe sulmuesi Oyarzabal “tradhtoi”, duke u ndëshkuar me karton të kuq në fillim të pjesës së dytë dhe komplikuar ndeshjen.
Gjithsesi vlen të theksohet se ky ishte kartoni i parë në karrierë për sulmuesin spanjoll të klubit bask, i cili numëron 215 ndeshje në La Liga dhe asnjëherë nuk kishte ikur në dhomat e zhveshjes i ndëshkuar me të kuq.
Një shembull i vërtetë Fair Play, sulmuesi Oyarzabal, që gjithsesi dje nuk arriti të zgjatë më shumë këtë ecuri, pasi u ndëshkua me karton të kuq pikërisht në sfidën e 215 në karrierë në La Liga.
