Kjo është vlera e shqiptarit në Premier League

Futboll

Kjo është vlera e shqiptarit në Premier League

Më: 25 dhjetor 2021 Në ora: 18:45
Kjo është vlera e shqiptarit në Premier League

Vlera e sulmuesit të kombëtares, Armando Broja, është rritur përsëri së fundmi dhe ndonëse ka pak vite në futbollin profesionist, ajo ka shkuar në 9 milionë euro. Performanca e tij e shkëlqyer me klubin e Sauthampton, i ka dhënë këtë vlerë të re Brojës, që pritet të rritet edhe më shumë nëse vazhdon me këto ritme.

Sipas portalit të njohur “Transfermarkt”, që nga vlerësimi i fundit që i është bërë Brojës në 19 maj të këtë viti, vlera e 20-vjeçarit është rritur me 6 milionë euro. 4 gola në Premier Ligë këtë sezon, kanë bërë që Broja të shihet si një nga talentet më të mirë në ishull dhe për këtë arsye vlera në merkato e tij vazhdon të jetë në rritje.

Gjithsesi duket se Çelsi nuk dëshiron ta humbasë lojtarin kaq shpejt dhe nuk ka lënë asnjë derë të hapur për negociata me ekipet e tjera për shqiptarin. Duket se Tuhel mendon ta rikthejë në ekipin e parë sezonin e ardhshëm, ku pritet të luajë një rol kryesor për kampionët e Europës në fuqi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat