Pioli: Gabova me formacionin

Futboll

Pioli: Gabova me formacionin

Më: 14 janar 2022 Në ora: 19:38
Pioli: Gabova me formacionin

Milan siguroi kualifikimin në fazën çerekfinale në Kupën e Italisë përballë Genoas. Një sukses i arritur me vështirësi, pasi kuqezinjtë vuajtën jo pak, madje duke prekur edhe kohën shtesë, moment në të cilin te besuarit e Piolit përmbysën skuadrën e Shevchenko-s.

Në përfundim të takimit që u fitua 3-1, tekniku italian, Stefano Pioli u shfaq i pakënaqur, por duke pranuar se problemi nisi nga ai. Ai deklaroi se nuk kishte bërë një punë të mirë me formacionin titullar dhe skuadrës i mungoi energjia në fillimin e takimit.

Pjesa e parë, sipas teknikut italian, nuk shkoi aspak mirë, jo vetëm për shkak të golit të pësuar, por më shumë për mentalitetin e treguar nga lojtarët në fushën e lojës. Diçka e cila sipas trajnerit do të studiohet me imtësi për të mos u përsëritur më.

Kualifikimi ishte i domosdoshëm dhe këtë e pranoi edhe Pioli, i cili ishte i lumtur me rezultatin dhe avancimin për në fazën çerekfinale të Kupës. 56 vjeçari vijoi më tej në lidhje me performancën e mbrojtësit Theo Hernandez, duke pohuar se francezi po kalon një formë të shkëlqyer dhe se po ndihmon skuadrën të ketë një rritje progresive.

Në fund ai vlerësoi dhe grintën e Rafael Leao-s, i cili edhe pse e nisi nga stoli i dha indicien e duhur takimit dhe shokëve të skuadrës. Në fazën çerekfinale, Milan do të pres fituesin e çiftit Lazio-Udinese, me takimin që do të luhet më 18 janar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat