Lajm i keq për Xavin, kjo është aryeja

Futboll

Lajm i keq për Xavin, kjo është aryeja

Më: 21 janar 2022 Në ora: 21:57
Lajm i keq për Xavin, kjo është aryeja

Eliminimi nga Kupa e Mbretit nuk ka qenë lajmi i vetëm i keq për Barcelonën. Disfata në shtesa ndaj Atletik Bilbaos, prodhoi edhe një dëmtim të një prej elementëve shumë të rëndësishëm të ekipit, sulmuesit Ansu Fati.

Lojtari, të cilit i është besuar fanella me numrin 10 pas largimit të Mesit, sapo ishte kthyer nga dëmtimi dhe pak nga pak po kthehej në formën e tij më të mirë. Por mbrëmë, ai pësoi një tjetër shqetësim muskulor dhe doli në lot nga fusha e lojës në pjesën e dytë të ndeshjes.

Testimet kanë konfirmuar se ai ka një tjetër dëmtim në tendinën e kofshës së majtë dhe kështu, do të duhet të vendosë nëse do t’i nënshtrohet operacionit apo terapive. Në të dy rastet, parashikohet që ndalesa e tij e radhës të zgjatë të paktën dy muaj.

Kështu, Xavi nuk do të ketë në dispozicion një nga elementët më të rëndësishëm në fazën ofensive, një goditje e rëndë për planet e tij duke parë edhe situatën e të pakënaqurve Dembele dhe Depaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat