Granit Xhaka refuzoi të merrte shiritin e kapitenit në fitoren e Arsenalit në Premier League ndaj Brentford.
Alexandre Lacazette i dha shiritin në krah të riut Eddie Nketiah pasi ai u largua në minutën e 84-të.
Sulmuesi Nketiah më pas shkoi t’i jepte shiritin zviceranit Xhaka, të cilit iu hoq në nëntor 2019.
Por mesfushori në mënyrë të çuditshme hodhi shiritin, duke i thënë Nketiah që t’ia jepte mbrojtësit të krahut Kieran Tierney.
Tifozët nxituan të komentojnë, me një postim në Twitter: “Unë mendoj se Xhaka nuk e donte shiritin në krah, sepse ai u përjashtua nga ky arbitr dy herë, kapiteni tërheq vëmendjen e panevojshme”.
Dhe një tjetër tha: “Kam parë Xhakën të mbajë shiritin në krahë këtë sezon, kështu që ta refuzosh atë, është thjesht e çuditshme.”
Njëri tha: “Unë isha një tifoz i zjarrtë i Xhakës gjatë gjithë karrierës së tij në Arsenal, por ai humbi gjithë respektin tim sot.
“Si guxon të refuzosh të veshësh shiritin e Arsenalit.
Madje edhe super-tifozi i Arsenalit, Piers Morgan, e peshoi mospërfilljen e çuditshme të Xhakës.
Ai shkroi në Twitter: “Refuzimi i Xhakës për të marrë shiritin përmbledh në mënyrë perfekte problemin më të madh të Arsenalit: që kur Vieira u largua, ne nuk kemi pasur kurrë një kapiten/lider të duhur”.
