Raphinha dhe Barcelona duket se kanë arritur një marrëveshje në vija të përgjithshme për transferimin e brazilianit nga Leeds-i te katalanasit në fundin e këtij sezonit.
E përditshmja iberike Sport ka zbuluar se menaxheri i lojtarit, Deco, ka arritur një marrëveshje me gjigantët e futbollit spanjoll për rrogën dhe kohëzgatjen e kontratës.
Tani, Barcelona do të duhet të bindë Leeds-in për ta shitur sulmuesin e krahut. Klubi anglez ka refuzuar më parë një ofertë prej 35 milionë eurosh.
Në 28 ndeshjet e luajtura në këtë sezon me Leeds-in, Raphinha ka shënuar 9 gola dhe ka dhënë 3 asiste. Vlera e tij në merkato, sipas Transfermarkt, është 40 milionë euro.
