Cesar: Pas titullit, përgjegjësitë gjithmonë rriten

Futboll

Cesar: Pas titullit, përgjegjësitë gjithmonë rriten

Më: 12 prill 2022 Në ora: 17:47
Cesar: Pas titullit, përgjegjësitë gjithmonë rriten

Ish-portieri brazilian Julio Cesar ka thënë që beson që ish-klubi i tij, Interi, i ka të gjitha mundësitë për ta mbrojtur titullin e Serie A, pas një javë të suksesshme të “Nerazzurëve” në gatën për titullin e Scudettos.

Në xhiron e fundit, Interi e mposhti Veronan me rezultat solid 2:0 për dallim nga rivalët e tij për titull, ku Napoli u mposht 3:2 në shtëpi nga Fiorentina, kurse Milani barazoi pa gola me Torinon.

“Nerazzurët” tani zënë vendin e dytë në tabelë, para skuadrës së Napolit që i dallon vetëm gol-diferenca, ndërsa dy pikë larg liderit të tabelës Milanit, por me një ndeshje më pak të zhvilluar.

Në një intervistë për “Enterprise Rent-A-Car”, legjenda dhe ish-portieri i Interit, Julio Cesar, e krahasoi ekipin me të cilin kishte luajtur te Interi, me atë të tashmin.

“Që prej se Interi e fitoi titullin sezonin e kaluar, forma e Juventusit është dobësuar. Kur isha unë tek Interi, Juventusi ishte skuadra që duhet ta mposhtnim. Tani pas titullit, përgjegjësitë gjithmonë rriten. Sot, klubi ka një strukturë fantastike në La Pinetina. E kisha mundësinë që ta vizitoj vendin. Çdo gjë ka ndryshuar. Si pasojë e kësaj, unë mendoj që futbolli që e aplikon në fushë e bën diferencën”, tha Cezar.

“Kampionati aktual është tejet i balancuar. Interi është në vendin e dytë prapa Milanit, ky sezon është ende i hapur. E kemi Milanin, Interin dhe Napolin, të cilat janë në garë për titull. Janë edhe gjashtë ndeshje të mbetura dhe Interi i ka të gjitha mundësitë për ta fituar Scudetton. Interi është një skuadër e fortë, edhe pse kishin baticat dhe zbaticat e tyre, por mendoj që kjo gjë është normale gjatë një sezoni”, shtoi më tej ish-portieri brazilian.

Po ashtu, Cesar shfrytëzoi rastin që të lavdërojë edhe portierin e tanishëm të Interit, Samir Handanovic, për të cilin tha se mungesa e futbollit në Ligën e Kampionëve ka bërë që ai mos të merr meritat e duhura.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat