Ishte dënuar me burg për zhvatje

Futboll

Ishte dënuar me burg për zhvatje

Më: 13 maj 2022 Në ora: 21:58
Ishte dënuar me burg për zhvatje

Ish-kapiteni historik i Palermos, Fabrizio Miccoli, rikthehet në liri.

Gjykata pranoi kërkesën e tij, duke i dhënë masën alternative të paraburgimit me kusht. Lojtari nga Salento u dënua përfundimisht me 3 vite e 3 muaj burg për akuzën e zhvatjes me metoda mafioze.

Në bazë të detyrës së provës që i ka dhënë Gjykata, Miccoli mund t’i rikthehet punës së trajnerit në shkollën e futbollit. Ai do të duhet të përmbushë disa kërkesa, të tilla si të mos kthehet në shtëpi pas mesnate dhe të mos bëjë asnjë shkelje.

Ish-sulmuesi ishte dënuar pasi kishte kërkuar nga Mauro Lauricella, djali i Ninos, një anëtar i familjes mafioze në lagjen Kalsa, në Palermo, t’i kthente një shumë parash një sipërmarrësi në emër të një miku të tij. Gjatë një telefonate, të përgjuar nga hetuesit, Miccoli dhe Lauricella, duke folur për gjyqtarin Giovanni Falcone, përdorën dhe tone fyese.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat