Giorgio Chiellini do të largohet nga Juventusi në afatin kalimtar të verës.
Pavarësisht se ka kontratë të vlefshme deri më 30 qershor 2023, mbrojtësi italian do të largohet si lojtar i lirë.
Chiellini dhe Juventusi do të shkëpusin kontratën me marrëveshje të dyanshme.
“La Gazzetta dello Sport” ka raportuar se 37-vjeçari ka arritur marrëveshje me klubin e Los Angeles.
Ish-mbrojtësi i Livornos e Fiorentinas thuhet se do të nënshkruajë kontratë dy-vjeçare.
Kujtojmë se Giorgio Chiellini ditë më parë konfirmoi se do të largohet nga “Zonja e Vjetër” pas përfundimit të sezonit.
Ky largim i tij nga “Allianz Stadium” vije pas 17 vjetësh.
