Gundogan: Klopp ishte ndër të parët që më uroi

Futboll

Gundogan: Klopp ishte ndër të parët që më uroi

Më: 24 maj 2022 Në ora: 20:43
Gundogan: Klopp ishte ndër të parët që më uroi

Ilkay Gundogan ka zbuluar se Jurgen Klopp ishte një nga njerëzit e parë që e uroi atë për fitoren e titullit kampion të Manchester Cityt, pavarësisht se skuadra e tij Liverpooli përfundoi në vendin e dytë.

Gundogan doli nga pankina për të shënuar dy herë pasi City shënoi tre gola në një periudhë të jashtëzakonshme pesëminutëshe për të ardhur nga 2-0 për të mposhtur Aston Villa 3-2 në “Etihad Stadium” të dielën.

Fitorja dramatike bëri që City të kryesonte tabelën me vetëm një pikë më shumë se skuadra e Kloppit, por kjo nuk e pengoi trajnerit gjerman të uronte bashkatdhetarin e tij.

Gundogan e njeh mirë Kloppin pasi ka luajtur nën drejtimin e tij për katër vjet te Borussia Dortmundi midis viteve 2011 dhe 2015, përpara se ish-trajneri i Mainz-it të kalonte në “Anfield”.

Mesfushori u largua për në City një vit më vonë dhe ka fituar 11 trofe, përfshirë katër tituj të Premier Ligës.

Duke reflektuar mbi suksesin e tij të fundit, 31-vjeçari zbuloi se ish-trajneri i tij ishte ndër të parët për ta uruar.

“Ai ishte një nga të parët”, tha Gundogan për “Sport1".

“Ne gjithmonë e kemi trajtuar njëri-tjetrin me respektin më të madh. Ai pati një tjetër sezon shumë të mirë me Liverpoolin dhe na e bëri jetën jashtëzakonisht të vështirë. Ai është thjesht një djalë dhe trajner i jashtëzakonshëm dhe këtë e ka treguar me kalimin e viteve”, përfundoi Gundogan.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat