Ramadani bën hapin e madh në karrierë

Futboll

Ramadani bën hapin e madh në karrierë

Më: 28 maj 2022 Në ora: 21:39
Ramadani bën hapin e madh në karrierë

Ylber Ramadani transferohet në kampionatin skocez. Mesfushori 26-vjeçar i Kombëtares Shqiptare ka arritur marrëveshjen me klubin e njohur Aberdeen, për të firmosur një kontratë 2-vjeçare, me opsion zgjatjeje edhe për një vit të tretë.

Burime për SuperSport konfirmojnë se marrëveshja mes palëve është arritur dhe ditën e hënë pritet që Ramadani të kryejë edhe vizitat mjekësore në një klinikë në Tiranë, duke qenë se është i grumbulluar me Kombëtaren Shqiptare për ndeshjen e Nations League.

Ky është një hap mjaft i rëndësishëm i Ramadanit, që transferohet në një klub me histori 119-vjeçare, i cili periudhën më të ndritur e ka pasur në 1978-1986, nën drejtimin e të madhit Sir Alex Fergusson, ku ka fituar tre tituj kampionë, katër Kupa Skocie, Kupën e Kupave dhe Superkupën Europiane.

Aberdeen garon në Superligën skoceze dhe do të jetë padyshim “piaca më e lartë” për Ramadanin, që në të shkuarën ka luajtur me Ferizajn, Prishtinën e Dritën në Kosovë, Partizanin në Superiore, Veljen në ligën e dytë daneze dhe së fundi MTK Budapest në Hungari.

Ylber Rammadani është pjesë e Kombëtares Shqiptare prej vitit 2018 dhe që atëherë numëron 15 ndeshje me fanellën kuqezi, teksa ka gjetur një herë edhe rrugën e rrjetës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat