Të dielën, në orën 18:00, në Cardiff zhvillohet finalja e play-off-it të Botërorit, ndërmjet Uellsit dhe Ukrainës.
Skuadra fituese do të marrë biletën e fundit nga Evropa për në Kampionatin Botëror – “Katar 2022”.
Uellsi mundi me rezultat 2:1 Austrinë në gjysmëfinalen që u zhvillua në muajin mars.
Në gjysmëfinalen e dytë të mërkurën e kaluar, Ukraina mposhti me rezultat 3:1 Skocinë në Glasgou.
Ukraina kërkon fitore dhe kualifikimin, që do të ishte e jashtëzakonshme, kur kihet parasysh se ky shtet nga 26 shkurti është në luftë me agresorin rus.