Një gjyqtare femër në Serie A

Futboll

Një gjyqtare femër në Serie A

Më: 25 qershor 2022 Në ora: 19:41
Maria Sole Ferrieri Kaputi

Zyrtarizimi do të vijë më 1 korrik me anë të një konference për shtyp, por Maria Sole Ferrieri Kaputi do të jetë arbitrja e parë femër në Serinë A. Në gusht ajo do t’i bashkohet grupit të gjyqtarëve të Serisë A dhe B.

Ferrieri Kaputi është gjithashtu edhe gjyqtare ndërkombëtare.

31-vjeçarja, e lindur në Livorno, në dhjetor të vitit të kaluar u bë e para femër që arbitron në nivelet e larta të futbollit italian, teksa ka gjykuar një takim të Kupës së Italisë, ndërmjet Kaljarit dhe Çitadelës. Ndërsa në tetor ka arbitruar në Serinë B takimin Çitadela-Spal.

“Mund t’iu garantoj se nëse arrin të arbitroj në Serinë A një femër, do të ndodhë sepse e meriton”, kështu është shprehur ish-arbitri ndërkombëtar Xhanluka Roki, aktualisht dizenjator në Serinë A, i cili ka theksuar se sot gjyqtaret femra janë të përgatitura si nga ana fizike gjithashtu edhe teknikisht, duke evidentuar se çdokush që mbërrin deri në Serinë A e meriton këtë ngjitje nga terreni i lojës dhe se nuk i dhurohet asgjë.

Pra, mes risive të sezonit 2022-2023 në Serinë A do të jetë edhe prezenca e Ferrieri Kaputit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat