Islami kalon te Gjilani

Futboll

Islami kalon te Gjilani

Më: 25 qershor 2022 Në ora: 20:06
Islami kalon te Gjilani

SC Gjilani ka vazhduar me përforcime për edicionin e ri.

Skuadra e drejtuar nga Zekirija Ramadani ka nënshkruar kontratë dy vjeçare me mbrojtësin e djathtë Përparim Islami.

Islami u largua nga Drita pasi hapësirat për të ishin të pakta dhe bardhekaltërtit për edicionin e ri nënshkruan me Besnik Krasniqin, njërin nga mbrojtësit anësorë më të mirë në vend dhe atij nuk i garantoheshin minutat.

Kësisoj ‘Rruki’ vendosi të ndërroj skuadër, por jo edhe qytet duke kaluar te rivali lokal i Dritës, SC Gjilani për një marrëveshje dy vjeçare.

Njoftimi i plotë nga SC Gjilani:

Sport Club Gjilani komunikon angazhimin e futbollistit Përparim Islami

Marrëveshja e nënshkruar është e vlefshme për dy vite.

Islami, i cili luan në pozitën e mbrojtësit të krahut të djathtë ka qenë pjesë e disa klubeve në vend, duke fituar dy tituj kampion, një herë Kupën e Kosovës dhe dy herë të tjera Superkupën e Kosovës.

Të gjithë në SC Gjilani i urojnë mirëseardhje Përparimit dhe i dëshirojnë sukses në objektivat që klubi ka vënë para, duke nisur nga garat ndërkombëtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat