Vukçeviq përforcon fituesin e Kupës së Kosovës 

Futboll

Vukçeviq përforcon fituesin e Kupës së Kosovës 

Nga: K.G. Më: 25 qershor 2022 Në ora: 22:40
Igor Vukçeviq e Tahir Batatina

Llapi i Podujevës synon të jetë i kompletuar në të gjitha pikëpamjet për edicionin e ri.

Podujevasit përgatiten edhe për rrethin e parë kualifikuese të Conference League, ku ndeshen me Buduçnostin e Podgoricës.
Llapi përforcohet me Igor Vukçeviqin.  

“Sulmuesi 22 vjeç përforcon Llapin!

Igor Vukcevic, sulmues i qendrës, i lindur më 07.11.1999 ka përforcuar sulmin e skuadrës sonë. 

Vukçeviq së fundmi ishte pjesë e skuadrës Kom Podgorica, tek të cilët realizoi 17 gola në 34 paraqitje, duke qenë golashënuesi më i mirë i skuadrës. 

Karrierën Vukçeviq e ka filluar tek skuadra e Buduçnost Podgorica, kurse ka mbrojtur ngjyrat edhe të OFK Petrovac.

Sulmuesi shtatlartë është bashkuar sot me ekipin në përgatitje në Ohër dhe ka firmosur kontratë që e mban atë lidhur me klubin për 3 vitet e ardhshme”, njofton KF Llapi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat