Nuk i ndahet Januzajt

Futboll

Nuk i ndahet Januzajt

Më: 1 korrik 2022 Në ora: 12:24
Adnan Januza

Adnan Januzaj është kthyer në “modë” për Napolin. Klubi italian prej kohësh ka pëlqim për 27-vjeçarin me origjinë kosovare.

Kontrata e sulmuesit me Real Sociedad përfundoi dje dhe palët nuk gjetën gjuhën e përbashkët për të rinovuar. Kjo gjë i pëlqen shumë klubit të Napolit, që sipas raportimeve nga mediet italiane po e studion mirë sulmuesin dhe pritet që shumë shpejt t’i bëjë edhe ofertë, duke qenë se Politano po merr në konsideratë largimin nga klubi italian.

Pavarësisht se gjatë sezonit që u mbyll Januzaj nuk pati një rendiment shumë të mirë, pasi në 44 ndeshje të luajtura në të gjitha kompeticionet shënoi vetëm 5 gola dhe dha 3 asiste, 27-vjeçari është një fiksim i vjetër për italianët, të cilët tashmë duke shumë afër realizimit të kësaj dëshire.

Megjithatë duhet theksuar se pas eksperiencave në Angli, Gjermani dhe në Spanjë, një përvojë në Itali do e bënte më shumë se të plotë CV-në e Adnan Januzajt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat