Tentoi të qëllonte kundërshtarin, shoqërohet në polici

Futboll

Tentoi të qëllonte kundërshtarin, shoqërohet në polici

Më: 3 korrik 2022 Në ora: 16:23
Tentoi të qëllonte kundërshtarin, shoqërohet në polici

Ish-mbrojtësi i Barcelonës, Gabriel Milito është shoqëruar në polici pas një ndeshje në Argjentinë.

Milito, trajneri i Argentions Junior është “tradhtuar” nga nervat në fundin e sfidës së vlefshme për javën e gjashtë në kampionatin argjentinas (Liga Profesional) në transfertën e Central Cordoba.

Në minutën e 38-të të takimit, ish-mbrojtësi i Argjentinës u ndëshkua me kartonin e kuq, pasi protestoi ashpër vendimin e kryesorit të sfidës, Truço.

Në tunelin e stadiumit 41-vjeçari ka tentuar të godasë zëvendëstrajnerin kundërshtar, Facundo Gareca, ndihmësi i Rondina-s.

Milito është shoqëruar në stacionin më të afërt të policisë, ku ka qëndruar për disa minuta duke sqaruar gjithçka dhe më pas është lënë i lirë për t’u rikthyer me bashkë me skuadrën në Buenos Aires.

Argentino Juniors, skuadra e Gabriel Milito-s triumfoi në fund me rezultatin 1-2, ndërsa argjentinasi është në krye të kësaj skuadre që nga janari i vitit të kaluar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat