Inzaghi: Lukaku do të sjellë gola

Futboll

Inzaghi: Lukaku do të sjellë gola

Më: 5 korrik 2022 Në ora: 18:12
Inzaghi: Lukaku do të sjellë gola

Simone Inzaghi është shfaqur mjaft i lumtur në konferencën për shtyp para nisjes së përgatitjeve për sezonin e ri, teksa nuk e ka fshehur kënaqësinë që do të ketë sërish në organikë sulmuesin belg Romelu Lukaku.

“Me Romelu ndërtuam një marrëdhënie të shkëlqyer në ato pak ditë të verës së kaluar dhe jam i lumtur që këtë sezon do të punojmë bashkë. Ai do të sjellë shumë gola dhe zgjedhje të reja taktike në fushë, megjithatë të mos harrojmë që sulmi i Interit ishte më i miri i kampionatit dhe duhen vlerësuar të gjithë për këtë”, tha Inzaghi.

Krahas Lukakut, te Interi ka ardhur edhe portieri kamerunas, Andre Onana, i cili pritet të rivalizojë me kapitenin Handanovic për vendin e titullarit, megjithatë Simone Inzaghi i ka idetë e qarta për zgjedhjen e tij.

“Titullar niset Handanovic, pasi e meriton për atë që ka bërë sezonin e fundit dhe gjithë vitet këtu te Interi. Onana përfaqëson të ardhmen e Interit, pasi është një portier me cilësi dhe do të ketë mundësi t’i tregojë ato në fushën e lojës”, deklaroi tekniku zikaltër.

Ndonëse deri tani ka firmosur me katër futbollistë, Interi vijon punën në merkato, teksa Dybala është emri më i bujshëm në planet e drejtuesve dhe Skriniar duket se do të jetë i sakrifikuari.

“Skriniar është një mbrojtës i jashtëzakonshëm dhe do të nisë grumbullimin këtu, por nuk e di çfarë do të ndodhë më vonë. Gjithsesi po punojmë ngushtë me drejtuesit, pasi e rëndësishme është që të kemi një skuadër konkurruese. Sa i përket Dybalës, është e pamundur ta fshehësh adhurimin për të, megjithatë kemi 6 futbollistë në organikë, të cilët kanë bërë shumë mirë sezonin e kaluar dhe meritojnë respekt”, tha Inzaghi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat