Gjilani e ka zhvilluar këtë të mërkurë seancën e fundit stërvitore në prag të sfidës ndaj Liepajas, e vlefshme për raundin e parë kualifikues në Ligën e Konferencës.
Klubi gjilanas ka konfirmuar se Agustin Torassa dhe Mevlan Zeka do të mungojnë për shkak të suspendimit, kurse Edison Kqiku për shkak të lëndimit.
Futbollistët e Gjilanit presin mbështetjen e tifozëve për ndeshjen e nesërme, teksa atmosfera dhe klima brenda kampit të ekipit thuhet se është pozitive.
Ndeshja e parë mes Gjilanit dhe Liepajas do të zhvillohet të enjten, në stadiumin “Fadil Vokrri”, me fillim prej orës 20:00.
