Liverpooli ka shënuar fitore në miqësoren ndaj Crystal Palace, e cila u zhvillua sot në Singapor.
Të përzgjedhurit e Jurgen Klopp fituan me rezultatin e pastër 2:0.
Jordan Henderson (12’) dhe Mohamed Salah (46’) shënuan golat e fitores për “Të Kuqtë”.
Me këtë fitore, ka përfunduar edhe turneu para-sezonal i Liverpoolit në Azi.
Kujtojmë se Liverpooli në miqësoren e kaluar me Manchester Unitedin pësoi humbje 4:0.
Skuadra e drejtuar nga Klopp të enjten e ardhshme do të takohet me Leipzigun në Gjermani.
