Mancini i jep një mesazh

Futboll

Mancini i jep një mesazh

Më: 4 gusht 2022 Në ora: 15:39
Mancini i jep një mesazh

Trajneri i kombëtares së Italisë, Roberto Mancini në një intervistë të fundit për Il Giornale ka përçuar një mesazh të qartë për Nicolo Zaniolon.

Mancini thekson se sulmuesi i Romës është ende i ri, por e lajmëroi se koha kalon shpejt dhe ai duhet të rrisë edhe më shumë nivelin dhe perfomancat në fushë. Nga ana tjetër, Mancini nuk ngurroi të thumbonte Matthijs De Ligt që u largua këtë verë nga Juventusi duke e cilësuar si të papjekur.

“Zaniolo ka kualitet, ashtu siç i kishte edhe në vitet e mëparshme. Është i ri, por bën mirë të nxitojë dhe të përmirësohet sepse koha ikën shpejt. E kuptoj që ka humbur disa vite për shkak të dëmtimeve, megjithatë kalojnë edhe vitet.

Koulibaly dhe De Ligt u larguan nga Italia? Më vjen keq për këtë, por kështu e ka futbolli. Koulibaly tashmë nuk është më një lojtar i ri, por është një nga më të mirët. Ndërsa, De Ligt erdhi në Itali si një djalosh dhe ashtu u largua. Unë shpresoj që të rriten talentët italianë”, u shpreh Mancini.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat