Ramos: Sezon interesant na pret

Futboll

Ramos: Sezon interesant na pret

Më: 6 gusht 2022 Në ora: 00:01
Ramos

Mbrojtësi spanjoll është më i motivuar së kurrë para fillimit të kampionatit

PSG e fillon sezonin e tyre në Ligue 1 të shtunën kundër Clermont Foot 63 në stadiumin Gabriel Montpied, e ku do të kërkojnë që ta mbrojnë titullin e tyre ku ata janë favorit.

Sergio Ramos është duke shikuar për ta pasur një sezon edhe më të mirë sesa sezonin e kaluar, të cilin e kaloi me lëndime dhe spanjolli duket se është optimist për gjërat që do ndodhin në vazhdim.

Ish kapiteni i Real Madridit u transferua në kryeqytetin francez verën e kaluar nga Los Blancos. Ai përfundoi sezonin 2020/21 i lënduar dhe mungoi gjatë Euro 2020, ku në ndeshje parasezonale kishte dhimbje. Këto dhimbje vazhduan edhe në sezonin 21/22 ku ai luajti shumë pak futboll (12 ndeshje, të gjitha në Ligue 1) më së paku që prej vitit 2004 kur luante me Sevillan. Skuadra e tij e fitoi Ligue 1, por humbi në 1/8 e finales së Ligës së Kampionëve nga Real Madridi.

Tani, ai po shikon ta rikuperojë kohën e humbur, ku edhe ka startuar dhe shënuar një gol të bukur në finalen e Super Kupës së Francës.

“Jam shumë i lumtur për fillimin e sezonit duke fituar tituj, por edhe për atë se ndihem shumë mirë fizikisht. Mendoj se një sezon interesant na pret”, tha ai.

Ai po ashtu ka folur edhe për trajnerin e ri të PSG-së, Christophe Galtier.

“Për momentin ne po ja dalim mirë, por kemi nevojë që ta ndërtojmë një besim dhe të përshtatemi në sistemin e ri”, tha ai, me PSGnë që tani luan me tre mbrojtës qendrorë.

“Ende e kam pak problem gjuhën, por mendoj që ne e kuptojmë sistemin shumë mirë për shkak se ai është një trajner i madh, i menwur dhe ne i përkthejmë idetë e tij në fushë”.

“Tre mbrojtës e baraspeshon ekipin dhe jep siguri për sulmuesit. Ne arrijmë t’i mbyllim krahët më mirë dhe ata mund të kundërzbresin më shpejt në sulm. Pak nga pak, ne po e njohim më mirë njëri-tjetrin, përfshirë edhe aftësitë edhe dobësitë tonë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat