Vetëm 45 minuta për Arbër Zenelin

Futboll

Vetëm 45 minuta për Arbër Zenelin

Më: 7 gusht 2022 Në ora: 23:25
Vetëm 45 minuta për Arbër Zenelin

Skuadra e Arbër Zenelit e ka filluar me humbje sezonin e ri Ligue 1, gjersa sulmuesi kosovar luajti në këtë ndeshje vetëm 45 minutat e parë. Faes (13 autogol), Tavares (45+2) dhe Luis Suarez (75, 90+3) shënuan për Marseille kurse golin e vetëm për Reims e shënoi i huazuari nga Arsenali, Folarin Balagun (84)

Stade de Reims e Arbër Zenelit e ka filluar jo mirë aventurën e tyre në Ligue 1 ku ka humbur me rezultat 4-1.

Arbër Zeneli është paraqitur në këtë ndeshje vetëm 45 minuta, duke mos luajtur fare në pjesën e dytë.

Zeneli pati disa krosime në pjesën e dytë dhe arsyet se pse u zëvendësua ai në pjesën e dytë nga trajneri i Reims Oscar Garcia Junyent ende nuk janë të njohur.

Zeneli u ndërrua me Kamory Doumbia.

Ndryshe Marseille kaloi në epërsi qysh në minutën e 13-të me anë të Faes që shënoi autogol. Rezultatin në fund të pjesës së parë, konkretisht në minutën shtesë të kësaj pjese shënon i huazuari nga Arsenali, Nuno Tavares për rezultat 2-0 në pjesën e parë.

Në pjesën e dytë do të shënoheshin edhe tre gola.

Transferi i ri i Marseille, Luis Suarez shënoi një gol të bukur në minutën 75-të për t’ia shtuar edhe një vetes në llogarinë e tij në minutën e tretë shtesë të ndeshjes.

Krejt çka bëri Reims ishte një gol i sulmuesit të talentuar të Arsenalit, që është i huazuar në Reims, Balogun që shënoi goli në minutën e 84-të të ndeshjes. Edhe Balogun ka debutuar me gol në Ligue 1.            

Reims pas një jave pritet të luajë kundër skuadrës së Clermont Foot të Elbasan Rashanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat