Van Basten nxjerr në shitje ‘Porsche 928 GT’ e tij

Futboll

Van Basten nxjerr në shitje ‘Porsche 928 GT’ e tij

Më: 18 gusht 2022 Në ora: 14:21
Van Basten nxjerr në shitje ‘Porsche 928 GT’ e tij

Karriera e Marco van Basten ka qenë shumë intensive, por edhe shumë e shkurtër, me tërheqjen e parakohshme nag futbolli i luajtur në vitin 1995, në moshën 30-vjeçare, pas problemeve kronike të kyçit të këmbës.

Megjithatë, kjo nuk e pengoi holandezin që të jetonte disa sezone si top-sulmues, i paguar jashtëzakonisht shumë gjatë eksperiencës te Milani. Në atë kohë, Van Basten ishte në gjendje të realizonte një nga ëndrrat e tij djaloshare, duke blerë një Porsche 928 GT.

I lançuar në vitin 1977, ky lloj automjeti ishte protagonist i evolucionit të vazhdueshëm teknik dhe estetik, i cili kulmoi në vitin 1989 me versionin GT, i pajisur me një motor 5-litërsh V8 për të pasur 330 kuaj fuqi dhe 430 Nm.

Ky Porsche 928 GT pati performancë të nivelit të lartë: Përshpejtimi nga 0 në 100 në orë për 5.8 sekonda dhe shpejtësia maksimale prej 275 km/h. Ky model (i vitit 1989) karakterizohet nga boja jeshile e errët e trupit dhe të brendshme lëkure të zezë. Rrotat janë në aliazh, ndërsa në pjesën e pasme bie në sy spoileri që karakterizonte versionin GT.

Porsche 928 GT e Marco van Basten ka dalë në shitje në portalin “ruotedasogno.com” dhe duket se ka udhëtuar më pak se 79.000 kilometra. Çmimi për këtë makinë super sportive, që i përkiste sulmuesit historik të Milanit, është 65 mijë euro, në përputhje me atë të modeleve të tjera në kushte të ngjashme, por me pronarë të mëparshëm më pak të njohur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat