Klubi italian projekton Daniele De Rossin trajner

Futboll

Klubi italian projekton Daniele De Rossin trajner

Më: 19 gusht 2022 Në ora: 15:34
Daniele De Rossin

Daniele De Rossi është gati të nisë punë si trajner i parë. Ish-kapiteni i Romës ishte pjesë e stafit teknik të Roberto Mancinit te kombëtarja italiane në Euro 2020, aventurë të cilën e shijoi në maksimum dhe gjatë së cilës mësoi shumë sekrete të profesionit.

39-vjeçari është shumë afër kalimit në Serie B, aty ku e pret pankina e Beneventos. “Shtrigat” e filluan sezonin e ri me humbjen 0-1 përballë Cosenzas, disfatë që ka tërbuar presidentin Vigorito.

Mediet italiane raportojnë se ky i fundit ka piketuar ish-mesfushorin e njohur si trajnerin e ri të ekipit, me Fabio Casertan që i ka orët e numëruara në pankinën e Beneventos.

Përballja e radhës luhet ndaj Genoas në transfertë dhe një tjetër humbje do të sjellë shkarkimin e trajnerit Caserta. Benevento synon rikthimin në Serie A dhe shpreson të marrë një përgjigje pozitive nga De Rossi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat