Real Madrid nuk humb kohë

Futboll

Real Madrid nuk humb kohë

Më: 20 gusht 2022 Në ora: 00:57
Real Madrid nuk humb kohë

Me Casemiro drejt Manchester United, Real Madrid nuk ka kohë për të humbur dhe madrilenët kanë “piketuar” pasardhësin e brazilianit.

Bëhet fjalë për një tjetër brazilian, mesfushorin e Newcastle, Bruno Guimaraes.

24-vjeçari është në krye të listës së dëshirave, jo vetëm të kampionëve të Evropës, por edhe trajnerit Ancelotti. Gjithsesi, asgjë nuk do të jetë e lehtë për madrilenët, kjo për disa arsye.

Newcastle, nuk kërkon të heqë dorë nga mesfushori, pasi projekti i “qymyrxhinjve” lidhet ngushtë me ishin e Lyon. Bruno ka një kontratë deri në verën e vitit 2026 dhe kjo penalizon ndjeshëm spanjollët dhe në fund, kartoni i brazilianit, pasi Newcastle kërkon rreth 70 milionë euro.

Real Madrid pritet të nisë kontaktet e para me agjentin dhe vetë lojtarin 24-vjeçar, e më pas për tentuar marrëveshjen me Newcastle, por të paktën, në “letër” duket një operacion shumë i vështirë për “Los Blancos”.

Ishi i Lyon ka hyrë në vitin e dytë në Premier League, pasi u transferua në janarin e këtij viti te Newcastle dhe Bruno në 7 muajt e parë numëron 19 ndeshje dhe 5 gola ne Premier League.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat