Yakin: Spanja argëtuese, por ia bëjmë ferr

Futboll

Yakin: Spanja argëtuese, por ia bëjmë ferr

Më: 24 shtator 2022 Në ora: 20:18
Yakin

Trajneri i Zvicrës, Murat Yakin, ka folur dy herë me shtypin para takimit sonte në mbrëmje në “La Romareda” kundër Spanjës

. Ai ka folur fillimisht në mënyrë private për televizionet helvete dhe më pas ka folur për të gjitha mediat e tjera.

Duke folur për takimin ndaj Spanjës, ai e ka bërë të qartë se do të jetë një përballje delikate dhe ai e di fare mirë se çfarë e pret.

Por ai ka saktësuar se Spanja e Luis Enrikes nuk do ta ketë të lehtë.

“Jemi të vetëdijshëm se çfarë takimi parashikohet për ne. Po kujtoj se në takimin e qershorit luajtëm mjaft mirë ndaj Spanjës, pavarësisht rezultatit. Na mungonin lojtarë të rëndësishëm dhe datat e qershorit nuk ishin aspak të favorshme.

Tani, tre muaj më pas, gjithçka është ndryshe dhe ne do të bëjmë gjithçka për të qëndruar në Grupin A në Ligën e Kombeve”, ka thënë ai. Murat Jakin ka saktësuar se nuk ka ndër mend të bëjë eksperimente në skuadër, duke u besuar më të mirëve.

“Do të luajë formacioni titullar. Kam provuar me dy sisteme loje, por kjo do të varet nga ecuria e takimit. ndeshja ndaj Spanjës duhet të shënojë një pikë kthese për ne. Do të japim gjithçka, do t’ia bëjmë ferr si në pjesën e dytë në Zvicër”, ka thënë Murat Yakin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat