Bonucci: Vetëm në një rast ndodhi e kundërta!

Futboll

Bonucci: Vetëm në një rast ndodhi e kundërta!

Më: 30 shtator 2022 Në ora: 00:08
Bonucci

Futbollistët janë të mësuar me emocionet që dhuron një ndeshje futbolli, megjithatë ka edhe nga ata të cilët e përjetojnë shumë një sfidë ndërsa e kanë pohuar se hasin edhe në vështirësi me gjumin natën para se të luajnë një përballje vendimtare.

Megjithatë, nuk është ky rasti i Leonardo Bonuccit i cili thekson se nuk e ka këtë problem edhe pse në fakt e ka përjetuar një situatë të tillë vetëm në rastin e finales së Europianit të vitit 2012.

“Të jem i sinqertëm gjithnjë e bëj gjumin të qetë para një ndeshje. E vetmja herë që mbaj mend të kem fjetur keq ishte nata para finales së Europianit të vitit 2012, ishte finalja ime e parë në një kompeticion madhor.

E vuajta shumë sepse e mendoja atë ndeshje shumë ne mendjen time dhe nisa ta luaja para se të zbrisja në fushë, ishte një adrenalinë e tepruar. Por, unë këmbungul gjithnjë se mund të përmirësohesh edhe nga gabimet dhe atë gafë nuk e kam përsëritur kurrë. Tashmë, para një finale fle i qetë për shtatë apo tetë orë”, theksoi Bonucci.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat