Sonte luhet derbi Partizani - Tirana

Futboll

Sonte luhet derbi Partizani - Tirana

Më: 2 tetor 2022 Në ora: 13:38
Sonte luhet derbi Partizani - Tirana

Sonte duke filluar nga ora 19:00, kryeqyteti mban frymën pasi do të zhvillohet derbi Partizani-Tirana në stadiumin “AIR Albania”.

Një derbi me shumë rivalitet do të jetë ky i sotmi ku kampionët aktualë të Shqipërisë nuk mposhten nga Partizani prej pesë ndeshjesh.

Ndërsa “demat e kuq” vijnë në këtë supersfidë si kryesues të kampionatit me 12 pikë, +4 nga bardheblutë e vendit të 5-të.

Skuadra e Orges Shehit do ta luajë këtë ndeshje pas fitores ndaj Teutës, teksa nuk mposhten prej 3 ndeshjesh, disfata e parë dhe e fundit ishte kundër Vllaznisë në stadiumin “Selman Stërmasi” me shifrat 1-2.

Edhe të besuarit e Xhovani Kolelës gjithashtu e kanë provuar shijen e humbjes, teksa ishte përpara 2 takimeve, ajo ndaj Erzenit në stadiumin “Elbasan Arena” me rezultatin minimal 0-1.

Sonte në mbrëmje premtohet spektakël nga të dyja ekipet, teksa tifozët pritet që ta tejmbushin stadiumin “AIR Albania”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat