Futbollisti i Struga Trim Lum Hogan Ukpa, nesër (13.00) pret fitore kundër Bregallnicës së Shtipit, në kuadër të Kampionatit të Maqedonisë së Veriut.
Lideri i kampionatit ka përparësinë e terrenit dhe beson e shpreson se do ta kthejnë duarthatë Bregallnicën.
“Një gjë mund të ju premtojmë tifozëve, 100% loja kundër Bregallnicës do të jetë shumë më e mirë se ndeshja jonë e fundit dhe mbi të gjitha do të dalim me fitore për të qëndruar sërish në pozitën e parë”, - tha Ukpa.
Premtoni gol sikurse në ndeshjen e parë?
“Jo vetëm të shënosh apo të asistosh, por mbi të gjitha edhe të luftosh për ekipin, besoj se kjo është gjëja më e rëndësishme”, përfundon futbollisti për faqen e klubit.
