Messit do t’i ofrohet kontrata e re nga PSG-ja pas përfundimit të Kupës së Botës

Futboll

Messit do t’i ofrohet kontrata e re nga PSG-ja pas përfundimit të Kupës së Botës

Më: 1 dhjetor 2022 Në ora: 20:48
Messi

Lionel Messit thuhet se do t’i ofrohet një kontratë e re nga Paris Saint-Germaini pas përfundimit të Kupës së Botës “Katar 2022”.

Sipas “Goal”, klubi francez e ka njoftuar 35-vjeçarin se ai do të ketë në tavolinë ofertën e re, në të cilën përfshihet kontrata e re 2-vjeçare.

Messi nuk pritet të marrë një vendim përfundimtar për të ardhmen e tij deri pas përfundimit të Kupës së Botës, pasi është i fokusuar vetëm te arritja e suksesit me Argjentinën.

Te PSG-ja thuhet se janë optimistë për shanset e tyre për të rinovuar me shtatë herë fituesin e “Topit të Artë”.

Messi ka gjithsej 12 gola dhe 14 asistime nga 19 ndeshjet me parisienët këtë sezon.

Kontrata e ish-sulmuesit të Barcelonës me PSG-në skadon më 30 qershor 2023.

Në marrëveshjen aktuale mes palëve ekziston opsioni që Messi të vazhdojë qëndrimin në “Parc des Princes” për së paku edhe një tjetër sezon.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat