Nëse merkato në Itali dhe Spanje dha pak emocione, nuk mund të thuhet e njëjta gjë për atë që ndodhi në Angli. Dhe si çdo dritare negocimi, pati edhe prapaskena që lidhen me negociatat e nuancuara. Bie në sy rasti i Hakim Ziyech, për të cilin kalimi nga Chelsea te PSG dukej i përfunduar.
Dhe në vend të kësaj operacioni u dogj ne fund… Akoma më e bujshme është arsyeja pse nuk u realizua marrëveshja, që janë një sërë gabimesh të mëdha nga blutë në përpilimin e dokumenteve. Një situatë kaq kurioze sa që bëri të mendohej edhe për një përpjekje të mundshme (dhe të suksesshme) sabotimi.
Ziyech tashmë kishte kryer me sukses vizitat mjekesore dhe priste te vishte fanelen e PSG. Mesfushori ofensiv maroken ishte dje në Paris ku sapo priste njoftimin zyrtar të aventurës së tij të re. Në fakt, operacioni mes Chelseat, pronarit të kartonit të tij, dhe klubit të Kullës Eiffel ishte mbyllur.
U kryen ekzaminime mjekësore, me zgjidhjen e ngërçit për një problem të vogël në gju dhe marrëveshje totale mes palëve për formulën e transferimit me një ofertë huazimi me te drejte blerje.
Më pas, lojtari u transferua në zyrat e Paris Saint-Germain, duke konfirmuar se për tymin e bardhë mungonte vetëm shkëmbimi i dokumenteve. Me kalimin e minutave, megjithatë, ankthi shtohej, derisa fatkeqësia u konkretizua. I gjithë faji i klubit anglez i cili nuk arriti të dërgojë dokumentacionin e saktë te PSG brenda afatit të planifikuar.
Sipas rindertimit te ngjarjes nga shtypi francez, dokumentet e para të bluve dërgohen në orën 21:50. Për më shumë se një orë, personat e brendshëm të kompanisë pariziane nuk morën më lajme nga bashkëbiseduesit e tyre, pa asnjë mundësi për t’i arritur.
Në orën 21:55 është dërguar dokumenti i transfertës, i cili megjithatë përmban një gabim kolosal sipas L’Equipe. Pas korrigjimit, riniset direkt serish, me një boshllëk edhe më të turpshëm: mungon edhe firma. Në këtë moment ankthi pothuajse u shndërrua në dëshpërim, me PSG-në që nxitoi londinezët duke dërguar dokumentin në versionin korrekt të plotë me firmë, si sugjerim.
Chelsea u përgjigj pak minuta më vonë me një tjetër dokument dhe një tjetër gabim. Më në fund pas tre tentativave ja ku është versioni i duhur, totalisht i saktë i cili gjithsesi mbërrin në zyrat e PSG-së në orën 23:03, 3 minuta pas afatit të lejuar. Ziyech nga ana e tij i ndoqi këto faza përfundimtare të emocionuara me transport dhe shqetësim: vetëm mendoni se ai filloi t’i dërgonte mesazhe pronarit të Chelseat, Todd Boehly, duke i lutur të bënte gjithçka që ishte e mundur për të përfunduar marrëveshjen, madje duke u treguar se ishte gati të investonte disa para nga xhepi i vet për të lehtësuar operacionet.
Por asgjë nuk ndodhi, me shpresat e fundit të PSG-së të shuar. Nëse Ziyech është fjalë për fjalë i tërbuar, PSG është jashtëzakonisht i indinjuar me Chelsean. Një burim i afërt me klubin tha për Sky Sports: “Mbrëmë ishte një fatkeqësi e vërtetë. Chelsea do të duhet të shfaqet më shumë në derën e PSG-së. Kështu nuk bëni biznes apo si trajtoni një lojtar.”
Gishti i drejtuar mbi të gjitha në një aspekt. Në fakt, pyetet se si është e mundur që ata që merren vazhdimisht me këtë lloj gjëje dhe zakonisht punojnë me këtë lloj dokumenti, mund të kenë bërë anashkalime të bujshme si kjo, pa bërë asgjë për t’i shpejtuar gjërat. A është e mundur që Chelsea, pra, të ketë dashur të sabotonte vete gjithcka sic mendohet nga drejtuesit francezë?
Për tabloidet franceze, një formë e sabotimit të marrëveshjes nuk mund të përjashtohet në mënyrë që ndoshta ende të mund të llogarisin te Ziyech, pavarësisht vullnetit të lojtarit. Nga ana e tyre, blutë u mbrojtën duke iu referuar asaj që po ndodhte në orët e fundit të trazuara të merkatos, kur ishin të zënë mbi të gjitha duke u mbyllur me Benfikën për blerjen e Enzo Fernandez për 121 milionë euro.
