Insigne bën sherr me tifozët

Futboll

Insigne bën sherr me tifozët

Më: 1 tetor 2023 Në ora: 13:53
Insigne

Lorenzo Insigne, ish-ylli i Napoli-t, është kthyer në qendër të vëmendjes, por jo për çështje që kanë lidhje me fushën.

Insigne bën fjalë me disa tifozë të Toronto-s gjatë ndeshjes së skuadrës së tij kundër Cincinati-t, me këta të fundit që kanë fituar 3-2.

Një rezultat që ka shkaktuar shumë pakënaqësi mes tifozëve, të cilët po ndjekin një sezon shumë zhgënjyes nga ana e skuadrës së tyre.

Insigne nuk ishte në fushë për shkak dëmtimi, por ishte i pranishëm në stadium, ku ka pasur një debat me disa tifozë që po e ofendonin.

Nëpërmjet disa videove të publikuara në internet, ish-lojtari i Napoli-t u ka treguar në fillim gishtin e mesit tifozëve dhe më pas ka bëritur: ‘Hey you, fuck you. Respect!’.

Një sjellje ajo e italianit që mund të sjellë një prishje përfundimtare me klubin kanadez dhe mund ta shtyjë sulmuesin të kthehet në Serinë A.

comment Për komente lëvizni më poshtë
Sot mund të lexoni Shfletoni kopertinat