Pioli: Ja cili është defekti ynë

Futboll

Pioli: Ja cili është defekti ynë

Më: 29 dhjetor 2023 Në ora: 15:56
Pioli

Milani i Stefano Piolit do të përballet këtë të shtunë me Sassuolo-n në javën e tetëmbëdhjetë të Serisë A.

Një ndeshje që duhet fituar për të larguar zërat për shkarkimin e trajnerit dhe për të harruar dëmtimet e shumta, që vazhdojnë të komplikojnë sezonin e kuqezinjve:

“Ka qenë një javë punë për të përmirësuar të tashmen tonë. Nesër duhet të bëjmë një paraqitje fituese, por nuk e kosndieroj si shansin tim të fundit.

“Nuk kam frikë, do të doja që skuadra të mund të shprehte potencialin e saj, duke u bërë më e bashkuar. Defekti ynë këtë vit është që nuk kemi pasur vazhdimësi”.

Ishte një javë e ndërlikuar për Stefano Piolin, i vënë në dyshim pas një tjetër hapi të gabuar ndaj Salernitanës.

Shkarkimi ishte një mundësi reale, por trajneri nuk është larguar:

“Nuk kam folur me Cardinale, e pashë në Milanello një muaj më parë, – vijoi Pioli, – por unë ndërveproj me drejtuesit si gjithmonë. Kam jetuar këtë javë duke punuar, është gabim të mendosh për të ardhmen e Piolit.

“Ne të gjithë kemi nevojë për një fitore nesër. Duhen shumë gjëra, ka vend për të bërë mirë, por nesër na duhen tri pikët”.

comment Për komente lëvizni më poshtë
Sot mund të lexoni Shfletoni kopertinat