Carlo Ancelotti me gjasë do të largohet në fund të sezonit nga Real Madridi.
Eliminimi në Ligën e Kampionëve nga Arsenali, ka bërë drejtuesit që të mendojnë rreth mundësisë së largimit të italianit nga stoli i “Los Blancos”.
Me stolin e Realit po lidhet gjithnjë e më shumë emri i Xabi Alonsos, i cili ka impresionuar me Bayer Leverkusenin.
Italiani mund të marrë rolin e selektorit të Brazilit, me drejtuesit e Federatës Braziliane që po insistojnë ta kenë atë para Botërorit të Klubeve që pritet të zhvillohet këtë verë në SHBA.
Nuk është çudi interesimi për Ancelottin të marrë drejtimin e “Seleçaos”, pasi që kishte pasur kontakte në dy vitet e fundit, por pa sukses.
Brazili aktualisht është pa trajner që nga shkarkimi i Dorival Junior, në muajin mars.
