Sampdoria dikur kampione e Italisë, bie në ligën e tretë

Futboll

Sampdoria dikur kampione e Italisë, bie në ligën e tretë

Nga: K. G. Më: 14 maj 2025 Në ora: 14:29
Pamje nga atmosfera në Genoa

Ish-kampioni italian dhe gjiganti evropian ka prekur fundin - Sampdoria ka rënë në ligën e tretë.

Klubi nga Genoa, tre dekada më parë fitoi titullin e kampionatit italian dhe luajti në finalen e Kupës së Kampionëve, sot po përjeton ditët më të vështira në historinë e saj.

Pas raundit të fundit të Serie B, ata përfunduan në vendin e 18-të në tabelë, vendi që e çon në një nivel më të ulët të garës.

Në ndeshjen e mbrëmshme të raundit të fundit, Sampdoria barazoi 0:0 në transfertë kundër Juve Stabia, dhe me fitoret e Brescias, Frosinones dhe Salernitanas, klubi legjendar ra në ligën e tretë.

Sampdoria mblodhi vetëm 41 pikë në 38 ndeshje me një seri prej tetë fitoresh, 17 barazimesh dhe 13 humbjesh. Ata shënuan 38 gola dhe pësuan 49.

comment Për komente lëvizni më poshtë
Sot mund të lexoni Shfletoni kopertinat