Presidenti i Barcelonës, Joan Laporta, ka folur për një transferim të mundshëm të Erling Haaland nga Manchester City këtë afat kalimtar.
Barcelona po mbyll sezonin me dy trofe, La Ligan dhe Kupën e Mbretit, duke pasur një sezon relativisht pozitiv, përkundër eliminimit nga Liga e Kampionëve në gjysmëfinale.
Megjithatë, eliminimi nga gara elitare evropiane e klubeve ka bërë që drejtuesit e klubit katalunas të mendojnë përforcimin e skuadrës për edicionin e ri.
Shumë emra të mëdhenj lojtarësh janë përfolur si transferime të mundshme gjatë verës, ku njëri nga ta është edhe ylli i Cityt, Haaland.
Por, presidenti i Barcelonës, Laporta ka mohuar se po mendojnë transferimin e tij për momentin, edhe pse e pse sipas tij asgjë nuk është e pamundur.
“Asgjë nuk është e pamundur. Por nuk po mendojmë për këtë për momentin. Ai sapo nënshkroi një kontratë të re me Cityn”, ka thënë Laporta.
